Беларусы Літвы адзначылі Дзень Волі 25 сакавіка. Свята пачалося з узняцца бел-чырвона-белага сцяга ля Сейма Літвы з удзелам беларускіх і літоўскіх палітыкаў. Пасля быў аўтапрабег да могілак Росы, дзе беларусы ўшанавалі памяць Кастуся Каліноўскага, паўстанцаў ды іншых выбітных беларусаў. Усе жадаючыя потым паехалі на Петрашунскія могілкі ў Коўна, дзе ўсклалі кветкі да мемарыяльнай дошкіў гонар Клаўдзія Дуж-Душэўскага – стваральніка бел- чырвона-белага сцягу.
Асноўная частка святкавання пачалася ўвечары на Лукішскай плошчы Вільні з мітынгу, выканання гімнаў БНР і Літвы і выступу лідаркі дэмакратычнай Беларусі Святланы Ціханоўскай.
Кажа Святлана Ціханоўская:
– Сёння многія беларусы не могуць святкаваць Дзень Волі адкрыта, але ўсё роўна святкуюць – дома ці ў гасцях, з роднымі ці сябрамі ў Менску, Віцебску, Маладзечне і Гомлі. Святкуюць і тыя, хто за мяжой – выходзяць на акцыі ў Вільні і Варшаве, Тбілісі і Кіеве, Берліне і Нью-Ёрку. Мы святкуем і згадваем тых, хто не можа быць з намі, тых, хто за кратамі, тых, хто на перадавой і тыя, хто аддаў жыцці за свабоду.
Святкаваннем прадоўжылася шэсцем да амбасады Беларусі ў Вільні, дзе былі запаленыя знічы і павязаныя стужкі на Варце Святла ў гонар загінулых беларусаў.
Паводле адной з арганізатарак Дня Волі і Варты Святла, дырэктаркі валанцёрскай арганізацыі “Дапамога” Наталлі Калегавай, на Варце Святла ўжо больш за 70 здымкаў загінулых беларусаў.
– Мы крыху да канца не разумеем, колькі гіне, таму што не ўсе распавядаюць тое, што адбываецца. Але ў нас ёсць правіла на Варце Святла – усе, хто за ёй глядзіць, маюць права заявіць, што вось чалавек, да прыкладу, загінуў з-за таго, што быў пераследаваны рэжымам Лукашэнкі. Нават калі ён загінуў учыніўшы суіцыд. Не наша справа зараз, пакуль гісторыкі не правялі расследаванне, рашаць, хто мае права, а хто не. Колькасць здымкаў на Варце Святла павялічваецца, але, дзякуй Богу, не так хутка.
Падтрымаць беларусаў і павіншаваць іх са святам прыйшлі і літоўскія палітыкі, якія заявілі, што літоўцам і беларусам няма чаго дзяліць.
Падчас Дня Волі быў арганізаваны вольны мікрафон, а музыкі гралі пратэсныя беларускія спевы.
Нефармальны працяг свята адбыўся ў вядомай беларусам і турыстам кавярне “Карчма 1863”.
Цалкам матэрыял слухайце ў далучаным файле:
