Беларуская асацыяцыя журналістаў ладзіць конкурс «Гістарычная памяць у беларускіх медыя» для беларускіх журналістаў і блогераў, матэрыялы якіх на гістарычную тэматыку ў журналісцкіх жанрах былі апублікаваныя ў беларускіх медыя ці падрыхтаваныя беларускімі аўтарамі для замежных медыя.
Ад аднаго аўтара прымаецца не больш за тры матэрыялы (альбо не больш за адну серыю з некалькіх матэрыялаў), якія пабачылі свет ў перыяд з 1 красавіка 2021 да 31 сакавіка 2023 года.
У конкурсе могуць удзельнічаць беларускія журналісты і блогеры, якія зараз жывуць у Беларусі ці па-за яе межамі. У выключных выпадках матэрыялы могуць быць пададзеныя на конкурс не аўтарам, а рэдакцыяй медыя, у якім яны былі апублікаваныя.
