Сёння, у трэцюю гадавіну прэзідэнцкіх выбараў 2020 года і наступнага за ёй народнага ўздыму, беларусы свету правядуць акцыі, прымеркаваныя да гэтай даты. Міжнародная акцыя беларускай дыяспары носіць назву «Дзень салідарнасці».
У Літве месцам збору прызначана Кафедральная плошча ў Вільні. Пачатак а 18:00. У Клайпедзе збор прызначаны ля аркі ў скверы Дане на 19:00.
У Польшчы беларусы збяруцца:
- у Варшаве ў 18:00 ля сабора каля Пражскага парку,
- у Кракаве ў 18:00 на плошчы Wielkiej Armii Napoleona,
- у Гданьску ў 18:00 каля фантана Нептуна,
- у Шчэціне ў 19:30 на плошчы салідарнасці,
- ва Уроцлаве ў 19:00 у NFM (plac Wolności 1)
- у Торуні ў 19:00 ля помніка Каперніку
- у Лодзі ў 18:00 збор на Piotrkowska 155
- у Познані а 18:00 на плошчы Адама Міцкевіча.
У Італіі ў Фларэнцыі мітынг запланаваны на 17:30 на плошчы Duomo 10.
У Латвіі ў Рызе беларусы збяруцца ў 19:00 ля Нацыянальнай бібліятэкі.
У Грузіі ў Тбілісі збор прызначаны на 17:00 каля пасольства Беларусі, а ў Батумі — на 19:00 на плошчы Еўропы.
У Германіі акцыі пройдуць:
- у Берліне ў 18:00 збор на Otto-Braun-Straße 70-72
- у Франкфурце-на-Майне ў 18:00 збор на Römerberg
- у Брэмене ў 19:00 на Goethepl 1-3.
У Чэхіі збор прызначаны на 18:00 у Празе на Вацлаўскай плошчы.
У Ізраілі акцыя пройдзе ў Тэль-Авіве на плошчы Габіма ў 19:00.
Мерапрыемствы ў некаторых гарадах ужо адбыліся 5-6 жніўня. Акрамя таго, акцыі пройдуць і ў перыяд 10-13 жніўня. Яны пазначаны на афіцыйнай старонцы «Дня салідарнасці».
novychas.online паводле reform.by
