Вядомая беларуская мастачка Зоя Літвінава зрабіла роспіс капліцы Божай Маці ў камуне Хопфгартэн у Аўстрыі. У жывапіснай тэхніцы энкаустыка, дзе галоўным рэчывам з’яўляецца воск, аўтарка стварыяла яскравыя выявы Божай Маці, анёлаў і трох каралёў на сценах каменнай капліцы.
Мастачку звязваюцца з камунай Хопфгартэн (фэдэральная зямля Ціль) даўнішнія культурніцкія сувязі. Ужо больш за дзесяць гадоў яна сябруе з мясцовым галерыстам Петэрам Айнбергам і пастарам Нікаласам Эрберам. Разам са скульптаркай Галінай Гаравой яны працавалі над аздабленнем капліцы Божай Маці ў мястэчку і над праектам скульптурнай кампазіцыі на могілках парафіі. У 2008 годзе з вялікім поспехам прайшла выстава мастачак у тутэйшай галерэі KUNSTRAUM. Роспіс капліцы — працяг творчага супрацоўніцтва беларускай жывапісца і камуны.
