Студэнты і выкладчыкі Дэпартаманта гуманітарных навук і мастацтваў вярнуліся з чарговага навучальнага падарожжа ў Фларэнцыю. Гэтыя паездкі даюць магчымасць суаднесці сябе з выбітнымі стваральнікамі еўрапейскай культуры і трансфармаваць індывідуальны творчы …
Вяртанне з Фларэнцыі: досвед студэнтаў і выкладчыкаў Дэпартаманта гуманітарных навук і мастацтваў чытаць далей
Сябры і паплечнікі запрашаюць на вечарыну памяці беларускага грамадскага дзеяча, кнігавыдаўца, аднаго з заснавальнікаў «Белага Легіёну», камандзіра падраздзялення батальёна «Волат» Палка Каліноўскага Міраслава «Мыша» Лазоўскага, які 16.05.2023 гераічна загінуў, прыкрываючы адыход пабрацімаў у Бахмуце (Украіна).
16.05: У Вільні пройдзе вечарына памяці беларускага патрыёта Міраслава Лазоўскага чытаць далей
Фактычна грамада вернікаў у Вільні ўжо была і чакала, калі пачнецца рэгулярнае царкоўнае жыццё. Першая літургія адбылася на Вялікдзень мінулага года.
«Для мяне было важна захаваць і сумленне, і святарства». Георгій Рой — пра Беларускі праваслаўны прыход у Вільні чытаць далей
„Маланкі над Вільняй“ — гэткую на першы погляд пагрозьлівую назову атрымаў трэці зборнік вершаў паэткі Ванды Марцінш душ Рэйш. У красавіку 2024 году гэтая кніга атрымала прэмію мэра Віленскага гарадзкога самакіраваньня. Літоўская …
Ванда Марцінш душ Рэйш: „Менавіта тут, у Вільні, я сябе адчуваю дома“ чытаць далей
25 красавіка ў Віленскім Беларускім Доме мае адбыцца прэзентацыя зборніка твораў беларускіх палітвязняў 2020-2023. У кнігу ўвайшлі вершы, казкі, успаміны, апавяданні і публіцыстычныя тэксты на беларускай і рускай мовах 52 зняволеных …
25.04: У Віленскім Беларускім Доме прэзентуюць зборнік твораў беларускіх палітвязняў 2020-2023 чытаць далей
Сейм Літвы не падтрымаў прапанову абмежаваць беларусам з ВНЖ колькасць паездак на радзіму. Раней такую прапанову зарэгістравала група дэпутатаў, якая лічыць, што частыя візіты дадому грамадзян Беларусі пагражаюць нацыянальнай бяспецы балтыйскай краіны.
Літва вырашыла не абмяжоўваць колькасць паездак беларусаў на радзіму чытаць далей
Віленская беларуская паэтка і перакладчыца Ванда Марцінш душ Рэйш атрымала прэмію мэра горада Вільня за кнігу вершаў «Маланкі над Вільняй».
Кніга Ванды Марцінш Душ Рэйш «Маланкі над Вільняй» атрымала прэмію мэра Вільні чытаць далей
У гонар 100-годдзя з дня нараджэння беларускага пісьменніка Васіля Быкава, ЕГУ аб’яўляе конкурс творчых прац на тэму: «Жыццё – вось адзіная рэальная каштоўнасць для ўсяго існага і для чалавека» .
Удзельнікі конкурсу змогуць раскрыць свой творчы патэнцыял, развіць крэатыўныя здольнасці, адчуць сябе студэнтамі ўніверсітэта. Акрамя таго, пераможцы і прызёры конкурсу (1-е, 2-е і 3-е месца) атрымаюць дадатковыя балы пры ўдзеле ў конкурсе партфоліё.
Для таго, каб прыняць удзел у конкурсе, неабходна даслаць сваю працу па адрасе contest@ehu.lt да 20 красавіка ўключна.
У лісце трэба пазначыць ПІБ, бягучае месца вучобы, краіну пражывання, а таксама праграму ЕГУ, на якую плануе паступаць удзельнік конкурсу. У працы неабходна пазначыць выбраны напрамак (падтэму) у рамках асноўнай тэмы (абітурыентам усіх праграм, за выключэннем праграмы «Візуальны дызайн»). Падтэма можа быць сфармулявана ўдзельнікам конкурсу, альбо выбрана з прапанаваных ніжэй.
У залежнасці ад выбранай праграмы навучання ўдзельнікам конкурсу прапануецца прадставіць наступныя творчыя работы:
Абітурыентам праграмы «Візуальны дызайн» – серыю з 2-3 калажаў на зададзеную тэму «Жыццё – вось адзіная рэальная каштоўнасць для ўсяго існага і для чалавека» . Работы могуць быць азагалоўлены па жаданні. Тэхніка стварэння прац, матэрыялы, скарыстаныя ў працы – на выбар удзельніка. Дазволена таксама выкарыстанне любых прыёмаў «digital painting», за выключэннем выкарыстання генератыўных ІІ-сэрвісаў. Дапушчальныя фарматы дасыланых малюнкаў: jpg, png, pdf;
Абітурыентам праграмы «Еўрапейская спадчына» – эсэ па адным з напрамкаў у рамках зададзенай тэмы «Жыццё – вось адзіная рэальная каштоўнасць для ўсяго існага і для чалавека» на рускай або беларускай мове аб’ёмам да 3 старонак у Word (прыкладная колькасць знакаў з прабеламі – 7700) . Магчымыя напрамкі: творчасць і культурная спадчына, захаванне і перадача культурнай спадчыны, месцы памяці і лады жыцця;
Абітурыентам праграмы «Гісторыя» – эсэ па адным з напрамкаў у рамках зададзенай тэмы «Жыццё – вось адзіная рэальная каштоўнасць для ўсяго існага і для чалавека» на рускай або беларускай мове аб’ёмам да 3 старонак у Word (прыкладная колькасць знакаў з прабеламі – 7700). Магчымыя напрамкі: жыццё ў гістарычным кантэксце, гістарычная памяць і забыццё, асабісты вопыт і гістарычная перспектыва, нязручная праўда і адказнасць за мінулае;
Абітурыентам праграмы «Медыя і камунікацыя» – крэатыўны пост у сацыяльных сетках, або журналісцкага эсэ аб’ёмам да 3 старонак у Word (прыкладная колькасць знакаў з прабеламі – 7700), або відэа-ролік працягласцю да 1,5 хвілін па адным з напрамкаў у рамках зададзенай тэмы «Жыццё – вось адзіная рэальная каштоўнасць для ўсяго існага і для чалавека» на рускай або беларускай мове. Магчымыя напрамкі: этыка і адказнасць медыя, гуманізм і расчалавечванне ў СМІ, супрацьдзеянне маніпуляцыям і развіццё медыяпісьменнасці.
Абітурыентам праграмы «Права» – эсэ па адным з напрамкаў у рамках зададзенай тэмы «Жыццё – вось адзіная рэальная каштоўнасць для ўсяго існага і для чалавека» на рускай або беларускай мове аб’ёмам да 3 старонак у Word (прыкладная колькасць знакаў з прабеламі – 7700). Магчымыя напрамкі: права на жыццё і правы чалавека, этыка і прававая абарона жыцця, барацьба за зацвярджэнне і абарону агульначалавечых каштоўнасцей;
Абітурыентам праграмы «Сусветная палітыка і эканоміка» – эсэ па адным з напрамкаў у рамках зададзенай тэмы «Жыццё – вось адзіная рэальная каштоўнасць для ўсяго існага і для чалавека» на рускай або беларускай мове аб’ёмам да 3 старонак у Word (прыкладная колькасць знакаў з прабеламі – 7700). Магчымыя напрамкі: мараль і палітыка, аспекты глабальнай няроўнасці, інавацыі і жыццё, гуманітарныя наступствы войн і канфліктаў;
Абітурыентам праграмы «Тэатральнае мастацтва і акцёрская ігра» прапануецца стварыць відэаэсэ, відэаперформанс або монаэцюд, у якім яны выкажуць свае думкі і пачуцці на па адным з напрамкаў у рамках зададзенай тэмы «Жыццё – вось адзіная рэальная каштоўнасць для ўсяго існага і для чалавека» таксама працягласцю да 3 хвілін на рускай ці беларускай мовах. Магчымыя напрамкі: парадокс жыцця, бессэнсоўнасць і значнасць жыцця, натхненне са штодзённасці, імгненні страт і адкрыццяў. Праца павінна быць загружана на YouTube, а спасылка на ролік – прадстаўлена да ацэнкі разам з апісаннем;
Абітурыентам праграмы «Бізнес-эканоміка» – эсэ па адным з напрамкаў у рамках зададзенай тэмы «Жыццё – вось адзіная рэальная каштоўнасць для ўсяго існага і для чалавека» на рускай або беларускай мове аб’ёмам да 3 старонак у Word (прыкладная колькасць знакаў з прабеламі – 7700 ). Магчымыя напрамкі: этычныя прынцыпы бізнес-рашэнняў, жыццё як галоўны капітал, лічбавыя інавацыі: шанец для развіцця або пагроза жыццю.
Атрыманыя работы ўдзельнікаў конкурсу будуць разглядацца спецыяльнай Камісіяй, у якую ўвойдуць вядучыя выкладчыкі праграм і эксперты ЕГУ.
Пры ацэнцы работ Камісія будзе надаваць асаблівую ўвагу:
адпаведнасці працы тэме конкурсу і аднаму з названых напрамкаў;
арыгінальнасці творчай задумы;
якасці кампазіцыйнага і/або графічнага выканання;
глыбіні зместу;
творчаму падыходу і пісьменнасці выкладу.
Пераможцы конкурсу будуць аб’яўлены 20 красавіка.
5 парад удзельнікам конкурсу творчых работ ЕГУ:
Абярыце падтэму (кірунак), якая вам блізкая і цікавая. Гэта дапаможа вам напісаць больш шчырую і глыбокую працу.
Старанна прадумайце структуру / кампазіцыю працы. Ваша праца павінна быць добра арганізавана і лёгка чытацца.
Выявіце свой творчы патэнцыял і арыгінальнасць. Не бойцеся эксперыментаваць з фарматам і стылем.
Надасце ўвагу пісьменнасці і чысціні выканання. Нядбайнасць выканання і памылкі могуць негатыўна паўплываць на ўражанне ад вашай працы.
Не зацягвайце з выкананнем задання. Ацэніце сваю працу перад адпраўкай і ўзмацніце яе, калі запатрабуецца.
Не звяртайцеся да дапамогі генератыўных ІІ-сэрвісаў і запазычанняў. На конкурс прымаюцца толькі аўтарскія працы, зробленыя канкурсантамі.
Поспехаў!
Першая персанальная выстава кніжнай графікі мастачкі-ілюстратаркі Кацярыны Дубовік з назвай «Я правяду цябе да ўзлеску…» працуе ў Віленскім беларускім музеі імя Івана Луцкевіча з 12 па 25 красавіка. Экспазіцыю склалі 45 арыгінальных прац, выкананыя ў розных тэхніках: афорт, тэмпера і маркеры на паперы, трафарэт і туш, тэмпера і гуаш.
Мастачка Кацярына Дубовік: Права сапраўднага мастака-ілюстратара — віць дадатковую гісторыю, а не проста дубляваць тэкст чытаць далей
Апошнім часам актораў з тэатра «Вір» можна заўважыць на розных вулічных імпрэзах у Вільні і не толькі. Ладзяць і спектаклі, і вогненныя прадстаўленні. Што стала апошнім штуршком для пераезду за мяжу, якім чынам атрымалася адрадзіць тэатр у Літве, а таксама пра падрыхтоўку да прэм’еры ў Вільні, распавяла Ганна Карчэўская.
Рэжысёрка вулічнага тэатра «Вір» Ганна Карчэўская: Наша канцэпцыя і ў эміграцыі нязменная — усе імпрэзы звязаныя з Беларуссю чытаць далей