Магчыма ў вас ёсць улюблёныя калыханкі, якія спявала вам матуля ці бабуля? А магчыма ёсць аўдыё ці тэксты з нотамі?
На краўдфандынгавай беларускай пляцоўцы «Gronka» працягваецца збор на выданне кнігі «Беларускіх Калыханак» ад культурніцкай кампаніі «ЭтнаТрадыцыя».
У кнізе будуць прадстаўлены калыханкі з розных куткоў Беларусі з нотамі, тэкстамі, тлумачэннямі і цікавымі аповядамі пра кожную з іх. Будуць каляровыя малюнкі, пераклады на ангельскую мову і аўдыё дадатак.
«Пішыце ў каментарах, якія калыханкі вы бы хацелі бачыць у новым выданні. Дзяліцеся, дасылайце нам на мэйл: tradycyja.by@gmail.com», — напісана ў тэлеграм-канале кампаніі.
Што атрымаюць спонсары?
5 еўра — PDF версія кнігі
20 еўра — кніга ў падарунак
35 еўра — 2 кнігі ў падарунак
80 еўра — калекцыя спеўнікаў у падарунак(“Народны«, «Калядны», «Дзіцячы» і «Бяседныя песні»)
400 еўра і вышэй — «Галоўны спонсар» Вашае імя ці назва арганізацыі былі пазначаны на галоўных старонках выдання.
З запланаваных 5000 еўра ўжо сабрана больш за 1500. Падтрымаць праект можна па спасылцы.
