Заўважаеце, як з надыходам астранамічнай восені час паціху запавольваецца? Як раніцы становяцца золкімі, а ў паветры пачынае адчувацца пах дыму і прэлага лісця? Як з’яўляецца непераадольнае жаданне занурыцца ў добрую кнігу, захінуўшыся коўдрай? І, можа быць, дастаць гітару ды заспяваць штосьці душэўнае? Мы ж у гэты час пачынаем адваротны адлік да Бардаўскай восені.
Што прапануе сёлета 29 Фестываль бардаўскай і аўтарскай песні “Бардаўская восень”, альбо вось вам душэўны ЛАЙН-АП
Заўвага: Барды – фэст з даўняй гісторыяй, традыцыямі і, вядома, пэўнага ўзроўню, якому трэба адпавядаць. Было б крыўдна праз фінансавыя абмежаванні ў гэты ўзровень не патрапіць. Таму ў гэтым годзе мы вырашылі сканцэнтраваць свае сілы ў адным месцы – у Бельску Падляшскім.
25 кастрычніка а 18:00 сустракаемся ў Бельскім Доме Культуры, дзе вас чакаюць:
Прэзентацыя праекта Уладзіміра Някляева “Без Айчыны” з удзелам Дзмітрыя Дуганава (хэндпан) і Аляксандры Канафальскай (мастацкае відэаафармленне).
Уручэнне Прэміі імя Міхала Анемпадыстава (Беларускі ПЭН)
VERAMI
NAVIBAND
Уваход, як заўсёды, вольны і без запрашэнняў!
Але спыніцца на Бельску мы не змаглі, і вось ужо паўстае канцэрт для вучняў і настаўнікаў II Агульнаадукацыйнага Ліцэя з Дадатковым Навучаннем Беларускай Мовы ў Гайнаўцы, дзе адбудуцца:
творчая сустрэча з літаратарам Уладзімірам Някляевым
выступленне гурта NAVIBAND.
25 кастрычніка, пачатак а 10:00.
Любая добрая падзея цягне за сабой яшчэ адну. 27 кастрычніка пашыраем праграму на Беласток:
А 18:00 у Беластоцкім тэатры лялек пройдзе прэзентацыя дакументальнага фільма аўтарства Марка Уладзімірава “Пабыць у тым часе, які мінуў” аб бельскай паэтцы Надзеі Артымовіч, а таксама сустрэча з рэжысёрам фільма.
Арганізатар: Фонд Tutaka
Заснавальнік: Цэнтр адукацыі і прамоцыі беларускай культуры ў Шчытах
Партнёры: Бельскі Дом Культуры, Беластоцкі Тэатр Лялек, Infinity Group, Беларускі ПЭН, Беластоцкі музычны клуб, Фонд Białoruś 2020
Заданне дафінансуецца з рэсурсаў Міністэрства Унутраных спраў і Адміністрацыі Польшчы
Публічнае заданне суфінансуецца са сродкаў Падляшскага ваяводства
Заданне суфінансуецца са сродкаў Амбасады Каралеўства Нідэрландаў у Варшаве
Праект ладзіцца ў межах праграмы ArtPower Belarus Беларускай Рады культуры і Дацкага інстытута культуры пры фінансавай падтрымцы Еўрапейскай Камісіі
Кінапрагляд у Беластоку арганізаваны дзякуючы Фонду супрацоўніцтва горада Беластока
