У чацвер, 3 красавіка, у Беластоку ў Галерэі Слендзінскіх (пл. Касцюшкі 4) адбудзецца лекцыя Кацярыны Ваданосавай «Мужчынскі і жаночы строй эпохі Паўстання». Пачатак 18.00.
Як гісторыя ўплывае на моду?
Як мода фарміруе гісторыю?
Як выглядалі людзі, для якіх свабода і радзіма былі даражэйшыя за жыццё?
Пра гэты трагічны час прарываў можна расказаць і іголкай з ніткай.
Час, калі жанчыны прыстасоўвалі крыналіны для нашэння зброі, калі мужчыны са шляхецкіх двароў апраналі сялянскія кажухі, калі пяцігадовыя дзяўчынкі гулялі з лялькамі, апранутымі ў чорнае.
Час, калі жалезныя ланцугі замянялі залатыя ўпрыгажэнні, і за адно адзенне можна было трапіць за краты.
Уваход вольны.
