Міністэрства ўнутраных справаў Беларусі вызначыла на 2026 год квоты для рэгіёнаў для рэгістрацыі хадайніцтваў аб наданьні статусу ўцекача, дадатковай абароны або прытулку ў Беларусі.
Як вынікае з апублікаванай на Нацыянальным праўным інтэрнэт-партале Беларусі пастановы ведамства, у 2026 год па статус уцекача могуць зьвярнуцца 2 300 чалавек.
Найбольшыя квоты атрымалі Гомельская (420 чалавек) і Менская (400) вобласьці. Для Берасьцейскай вобласьці квоты вызначылі на ўзроўні 360 чалавек, для Віцебскай — 380, для Горадзенскай — 360 і для Магілёўскай — 380.
У 2025 годзе было 2 400 квотаў для ўсіх вобласьцяў Беларусі. Найбольшыя — па 450 — атрымалі тады Берасьцейская, Гомельская і Менская.
У Беларусі не публікуюць афіцыйных зьвестак аб колькасьці іншаземцаў, якія атрымалі статус уцекача ці дадатковую абарону. Некаторыя крыніцы паведамляюць, што за чатыры гады з 2021 году статус уцекача атрымалі прыблізна 870 іншаземцаў.
