![](https://zbsb.info/wp-content/uploads/2023/04/325639a5e2843706-1024x683.png)
У Нацыянальнай галерэі мастацтва ў Вільні ўчора, 31 сакавіка, адкрылася міжнародная выстава «Калі гэта парушыць, яно становіцца адчувальным, піша Reform.by. Інфраструктуры і салідарнасці па-за межамі постсавецкай прасторы» (If Disrupted, It Becomes Tangible. Infrastructures and Solidarities beyond the post-Soviet Condition). Куратары выставачнага праекта, у фокусе якога ўладныя інфраструктуры, інфармацыйныя тэхналогіі і кібервайна, беларускія даследчыкі Антаніна Сцебур і Аляксей Барысёнак.
У выставе задзейнічаны працы мастакоў: Тэклы Асланішвілі і Георгі Гага Гагашыдзэ, Марыям Медэт, Яўгеніі Беларусец, арт-групы eeefff, Ганны Энгельхардт, арт-групы fantastic little splash, Уладзіміра Грамовіча, The Museum of Stones editorial collective, Аляксея Радынскага, Аліцыі Рагальскай, Сабіны Шнэ, Nomeda & Gediminas Urbonas, XYANA.
![](https://zbsb.info/wp-content/uploads/2023/04/c67907be48d2a60c.png)
![](https://zbsb.info/wp-content/uploads/2023/04/7cc836f85492dca5.png)
![](https://zbsb.info/wp-content/uploads/2023/04/7ab79a0ba62a082f.png)
Архітэктар выставы — Габрыэле Чарняўская. Графічны дызайнер — Валянцін Дудук.
Канцэпцыя выставачнага праекта палягае ў тым, каб звярнуць увагу на інфраструктуры (матэрыяльныя і нематэрыяльныя), што дасталіся постсавецкім краінам у спадчыну ад Савецкага Саюза, і прасачыць, якім чынам сёння дзейнічаюць гэтыя сеткі ў палітычным кантэксце.
![](https://zbsb.info/wp-content/uploads/2023/04/6cdf73bc35c1cb10.png)
![](https://zbsb.info/wp-content/uploads/2023/04/5f7ed5ad78bad161.png)
![](https://zbsb.info/wp-content/uploads/2023/04/3539fb7ed052e20b.png)
«Постсавецкая інфраструктура была пабудавана на руінах ваенна-прамысловых комплексаў і ўкаранілася ў складаныя матэрыяльныя і нематэрыяльныя адносіны каланіялізму, аўтсорсінгу, рэсурсаў і знешніх фактараў, — уводзяць у тэму даследчыкі. — Такія інфраструктурныя сеткі, як чыгунка, газаправоды, оптавалакно, тэлеграм-каналы, сістэмы відэаманіторынгу і гэтак далей, застаюцца нематэрыяльнымі ў паўсядзённым функцыянаванні. У той час як збой, адключэнне, перапыненне выкрываюць працу ўсёй інфраструктуры і яе ўзаемасувязь».
«Асноўная канцэпцыя выставы выцякае з паняцця «зрыў», які разглядаецца як метад супраціву інфраструктурнай канфігурацыі ўлады і ў той жа час разумеецца як жэст салідарнасці», — адзначаюць куратары, прыводзячы ў якасці прыкладаў падобных «зрываў» палітычныя пратэсты ў Беларусі, Украіне, Казахстане, Кыргызстане, Грузіі, Арменіі і іншых краінах.
![](https://zbsb.info/wp-content/uploads/2023/04/f7bdfad8bf81d003.png)
![](https://zbsb.info/wp-content/uploads/2023/04/8a0000eefbc13e67.png)
![](https://zbsb.info/wp-content/uploads/2023/04/728939d0b48ce6c1.png)
Гэтаксама Антаніна Сцебур і Аляксей Барысёнак не абыходзяць бокам у праекце і расійскае ўварванне ва Украіну, уводзячы ў гласарый выставы такое слова як «кібервайна».
«Злучаючы лічбавыя тэхналогіі і кінетычнае выкарыстанне зброі, кібервайна становіцца адным з найважнейшых паняццяў, якое ўключае складанасці і інфраструктуры сучаснага імперыялізму і вайны, — тлумачаць ідэю куратары. — Імперыялістычная канфігурацыя вайны з яе матэрыяльна-тэхнічным забеспячэннем, захопам ядзерных станцый, кібервайной і тэхналогіямі штучнага інтэлекту павінна разглядацца з дэкаланіяльнай перспектывы і ўсталёўваць новыя канфігурацыі як працэс «выхаду» з постсавецкай сітуацыі».
![](https://zbsb.info/wp-content/uploads/2023/04/2ebe4c0c3d8b4948.png)
![](https://zbsb.info/wp-content/uploads/2023/04/0a4be6759b60c3fa.png)
![](https://zbsb.info/wp-content/uploads/2023/04/22a7c02810e8cdcc.png)
Сёння ў галерэі ў межах праекта ладзіцца сімпозіум «Iнфраструктуры і салідарнасць за межамі постсавецкай прасторы» з удзелам міжнародных даследчыкаў.
![](https://zbsb.info/wp-content/uploads/2023/04/25eb5bc08c64ebc1.png)
Выстава будзе працаваць да 18 чэрвеня.