У пятніцу 13-га кастрычніка цудоўная дата, каб сабрацца на аўтарскі вечар “Сьмяяцца, плакаць і сьпяваць” вядомага беларускага барда, журналіста, пісьменьніка Зьмітра Бартосіка.
Вас чакае вясёлы шансон 90-х гадоў. Шансон у добрым сэнсе гэтага слова. Віленскія балады. Чытаньне непрыдуманых анекдотаў з жыцьця, цытаваных з уласных твораў. А таксама песьні Аляксандра Вярцінскага, Булата Акуджавы і Ўладзіміра Высоцкага ў перакладах Рыгора Барадуліна. Партыя баяна — Тацяна Карпіловіч.
Імпрэза адбываецца пры падтрымцы Міжнароднага саюза беларускіх пісьменьнікаў.
Уваход вольны, але данаты выступоўцам дужа вітаюцца.
13 кастрычніка 20.00
Дом Легенд (Subačiaus g. 15/2, Vilnius)
Free donation
