Вольны хор у Беластоку на «Ночы расстраляных паэтаў»

29-га кастрычніка ў памяць «Ночы расстраляных паэтаў 1937 года» беларускі Вольны Хор з Варшавы выступіў з адмысловай праграмай твораў рэпрэсаваных беларускіх аўтараў у Беластоку. Канцэрт адбыўся ў значным месцы — залі Музеі памяці Сібіры, якая ледзьве змясціла гледачоў.

Кажа дырыжор хор Галіна Казіміроўская:

– Адчуванне, што гэта наш горад, што тут усё да месца і мы тут, як дома. Для мяне і для шматлікіх Беласток вельмі блізкі. Музей памяці Сібіры – гэта тое месца, якое вельмі пасуе. І месца памяці, і месца якраз звязанае з рэпрэсіямі. У гэты дзень менавіта важна тут было зрабіць канцэрт. Запрашайце і мы прыедзем, і ў вашай філармоніі паспяваем таксама.

Сваімі ўражаннямі падзяліліся госці канцэрта:

– Музыку я вельмі люблю, харавую таксама, а беларускую асабліва ў выкананні “Вольнага хору” пад кіраўніцтвам спадарыні Казіміроўскай. Вельмі такі салодкі пачастунак для душы, хаця фактычна пры вельмі трагічнай, сумнай гадавіне.

– Вельмі трагічная страшная дата ў гісторыі беларускага народа.

– Загінула якраз 130 прадстаўнікоў беларускай інтэлектуальнай эліты.

– У шматлікіх месцах, гарадах ёсць вось такія гадавіны, ёсць нагода. Сёлета ў Музеі памяці Сібіры – памяць, пашана і тое, што мы разам.

Падчас канцэрта былі выкананыя, у тым ліку, творы на вершы забітых паэтаў 29 кастрычніка 1937 года і рэпрэсаваных у тыя часы: Алеся Дудара, Цішкі Гартнага, Міхася Чарота. Упершыню падчас канцэрта быў выкананы першы неафіцыйны гімн Беларусі пачатку ХХ ст- “Беларуская марсэльеза”.

Цалкам матэрыял слухайце ў далучаным файле: