«Няхай Свабода свеціць. Няхай Свабода гучыць» — дэвіз акцый у падтрымку Украіны 24 лютага ў Літве. Марш праз горад ішоў трыма калонамі — украінскай, беларускай і літоўскай.
![](https://zbsb.info/wp-content/uploads/2023/02/bb10bf4d35cc104d-1024x682.png)
Агульны збор удзельнікаў пачаўся а 16-й ля помніка Тарасу Шаўчэнку. Спачатку малітва святароў, пасля з таго ж балкону ўкраінцаў, беларусаў і літоўцаў вітаў фальклорны калектыў «Намисто», да якога далучылася і кіраўніца нашага калектыву «Беларускі цуд» Святлана Чакушка. Песні гучалі і падчас шэсця праз увесь горад да Сейму Літвы.
![](https://zbsb.info/wp-content/uploads/2023/02/ba77e9b22cfa8b1b-1024x682.png)
![](https://zbsb.info/wp-content/uploads/2023/02/33d86f082387392e-1024x682.png)
Сярод украінскіх і літоўскіх было багата і беларускіх сцягоў. Удзельнікі перыядычна падтрымлівалі адно аднаго воклічамі «Слава Украіне!», «Жыве Беларусь!», «Ačiū, Lietuva!».
![](https://zbsb.info/wp-content/uploads/2023/02/e50344351708b7aa-1024x682.png)
Да Кафедральнай плошчы пад 50-метровымі сцягамі Украіны і Літвы, а таксама мностам бел-чырвона-белых падышло ўжо некалькі тысяч чалавек.
![](https://zbsb.info/wp-content/uploads/2023/02/2e54acec36ea9ec4-1024x682.png)
![](https://zbsb.info/wp-content/uploads/2023/02/663c8acd57b8e0a3-1024x682.png)
На плошчу таксама прыйшлі амбасадары больш чым двух дзясяткаў краін, кожны з іх казаў лозунг «Слава Украіне!» на сваёй мове, мітынг адказваў — «Героям слава!».
![](https://zbsb.info/wp-content/uploads/2023/02/b3093482526ced77-1024x682.png)
![](https://zbsb.info/wp-content/uploads/2023/02/e6347c1700cf185e-1024x682.png)
Потым — канцэрт салідарнасці «Свабода свеціць: RADAROM!» на пляцы Незалежнасці, які пачаўся з хвіліны маўчання ў памяць загінулых ва Украіне.
![](https://zbsb.info/wp-content/uploads/2023/02/fac62a9d714d27da-1024x682.png)
Першым выступіў прэзідэнт Літвы Гітанас Наўседа: «Калос на гліняных нагах больш не можа змагацца. Сёння мы ўсе разумеем, што гаварыць больш няма пра што — трэба ісці да канца».
![](https://zbsb.info/wp-content/uploads/2023/02/f327c53a9074deb5-1024x682.png)