З 3 па 7 лістапада Святлана Ціханоўская наведае Аўстралію і Новую Зеландыю з першым працоўным візітам.
Гэта працяг глабальнай працы над тым, каб голас Беларусі быў пачуты ўсюды, ад Бруселя да Велінгтана, паведамляе яе прэс-служба.
Прадугледжваецца сустрэча з міністрамі замежных спраў гэтых краін Пэні Вонг і Уінстанам Пітэрсам, спікерам парламента Аўстраліі і дэпутатамі, якія падтрымліваюць Украіну, вядзецца праца аб сустрэчы з прэм’ерам Аўстраліі Энтані Албанісам.
Таксама будзе прапанавана далучыцца Аўстраліі да Міжнароднага гуманітарнага фонду дапамогі ахвярам рэпрэсій, а таксама падтрымаць беларускія незалежныя СМІ праз платформу Media Freedom Coalition.
