Кожны дзень на сайце budzma.org з’яўляецца інфармацыя пра самае цікавае і важнае, што адбываецца ў свеце беларускай культуры, ствараюцца адметныя відэапраекты на ютуб-канале. Калі вам падабаецца гэты праект, вы можаце падтрымаць іх, перадаўшы ім 1,2% ад сваіх падаткаў у Літве. Пры гэтым уласна Вам гэта не будзе каштаваць анічога!
Што робіць Budzma.org і чаму гэта важна
Budzma.org — культурна-асветніцкі партал пра Беларусь і для беларусаў.
Ён працуе дзеля таго, каб беларусы ў Беларусі і за мяжой усведамлялі каштоўнасці, што ёсць у нашых людзях, мове, шматвяковай гісторыі і культуры. Раскрываем таямніцы і цікавосткі пра беларускія традыцыі і культуру і робім беларускае бачным. Бо Беларусь — гэта цікава!
Вельмі важна працягваць працаваць для беларусаў, якія, нягледзячы на ўсе складанасці, застаюцца ў Беларусі. Яны складаюць істотную частку аўдыторыі budzma.org.
І дапамагчы камандзе Budzma.org працаваць для беларусаў унутры краіны могуць тыя беларусы, што з’ехалі за мяжу і знаходзяцца ў бяспецы.
Як дапамагчы
Калі вы рэлакаваліся ў Літву і працуеце там — вы можаце падзяліцца з Budzma.org часткай свайго падатку. З тых грошай, што вы ўсё адно будзеце плаціць як падатак за атрыманы прыбытак, Вы можаце 1,2% ахвяраваць на дзейнасць розных грамадскіх арганізацый. У тым ліку — падтрымаць рэдакцыю budzma.org. Трэба ўсяго толькі пра падачы дэкларацыі зрабіць некалькі дадатковых клікаў. Падрабязная інструкцыя — ніжэй.
Калі вы плаціце падаткі НЕ ў Літве і жадаеце дапамагчы, гэта можна зрабіць, набыўшы камандзе budzma.org кубачак кавы на платформе ko-fi.com. Вы можаце набыць адзін кубачак альбо аформіць падпіску на штомесячную падтрымку. Любая дапамога вельмі каштоўная!
Інструкцыя для тых, хто знаходзіцца ў Літве
Калі можна дапамагчы? Ужо цяпер! Перыяд падачы дэкларацый ужо пачаўся і завершыцца 01 траўня 2024 г.
Як гэта зрабіць?
1. Увайдзіце ў сістэму электроннага дэкларавання (EDS) ČIA. Увайсці ў EDS можна праз знешнія сістэмы (напрыклад, праз банкінг ці праз электронны подпіс).
![](https://zbsb.info/wp-content/uploads/2024/02/903f699cf79b7168-1024x564.png)
2. Доступ да EDS магчымы праз знешнія сістэмы, напрыклад, з дапамогай банкаўскага акаўнту, праз пошту з электронным подпісам ці праз мабільную інфраструктуру электроннага подпісу. Абірайце зручны для Вас спосаб.
![](https://zbsb.info/wp-content/uploads/2024/02/9dd8fa05ad6e6625-1024x574.png)
3. Пасля аўтарызацыі ў сістэме абярыце «Pūdyti formą»\«Запоўніць форму» ў раздзеле «Deklaravimas»\«Дэкларацыя». Заяўку на падтрымку вы можаце знайсці ў спісе «Prašymas skirti paramą»\«Запыт на падтрымку».
![](https://zbsb.info/wp-content/uploads/2024/02/764916c95c41fbcf-1024x499.png)
4. Пералік часткі падаткаў падаецца асобнай формай незалежна ад асноўнай дэкларацыі. У акне запаўнення формы абіраеце 2023 год і націскаеце на значок глобуса.
![](https://zbsb.info/wp-content/uploads/2024/02/a2e5f3e198e146f6-1024x527.png)
5. Пры націсканні на значок глобуса адкрыецца першае акно майстра падтрымкі. Для пачатку запаўнення націскаеце «Pradėti»\«Старт».
![](https://zbsb.info/wp-content/uploads/2024/02/7a4cdc38d5d6ee8d-1024x496.png)
6. У акне пошуку, якое адкрылася, уводзіце код атрымальніка 304102906 «VšĮ „Būkim kartu”» («Будзьма разам») і націскаеце «Tęsti» «Працягнуць».
![](https://zbsb.info/wp-content/uploads/2024/02/aff2672040e27994-1024x653.png)
7. У наступным акне запоўніце:
мэта падатковай часткі — «Paramos gavėjmas»
доля падатку — 1,2%
пералічэнні да падатковага перыяду — да якога перы+яду вы хочаце, каб частка вашага падатку пералічвалася на карысць «Будзьма беларусамі!» /budzma.org Вы можаце выбраць адзін год — тады напішыце 2024. Але вы можаце выбраць таксама і некалькі год наперад — да 2025 (як на ўзоры на скрыншоце ніжэй) ці аж да 2027. Калі вы ў наступным годзе перадумаеце, то атрымальніка вашых 1,2% падаткаў можна будзе змяніць пры падачы новай дэкларацыі.
Захавайце даныя, націснуўшы «Išsaugoti»/«Захаваць».
![](https://zbsb.info/wp-content/uploads/2024/02/9018a26f69742baa-1024x647.png)
8. У вас павінна атрымацца форма запоўненая так, як на скрыншоце ніжэй. Яшчэ раз праверце правільнасць даных. Калі ўсё правільна — націскайце «Taip, teisingi»/«Так, правільна».
![](https://zbsb.info/wp-content/uploads/2024/02/94afd62dc06cb244-1024x378.png)
9. Пацвердзіце ўведзеныя даныя яшчэ раз кнопкай «Formuoti prašymą»/«Сфармаваць заяўку».
10. Пасля падачы заяўкі вы ўбачыце выбранага бенефіцыяра і выдаткаваную частку падаходнага падатку.
![](https://zbsb.info/wp-content/uploads/2024/02/ae786d55fda45d21-1024x635.png)
І апошні крок: націскаеце «Pateikti”/”Адправіць», каб адправіць запыт EDS у Дзяржаўную падатковую інспекцыю.
Вам гэта будзе каштаваць толькі трошкі патрачанага часу, а нам кожны ўнёсак дапаможа працягваць рабіць якасны кантэнт для Вас.