Буферная зона на мяжы з Беларуссю падоўжана яшчэ на 90 дзён, паведамляе Міністэрства ўнутраных спраў і адміністрацыі Польшчы. Новая пастанова ўваходзіць у сілу ў сераду, 11 верасня гэтага года. Яе мэта — прадухіліць «гібрыдную дзейнасьць, якая мае на мэце дэстабілізаваць Польшчу і іншыя краіны Еўразвязу».
Пасля амаль 90 дзён дзеяння буфернай зоны на польска-беларускай мяжы колькасць спробаў нелегальнага перасячэння мяжы зменшылася на 64%, што, паводле Міністэрства ўнутраных спраў і адміністрацыі, пацьвярджае абгрунтаванасць і эфектыўнасьць зоны. Таму кіраўнік МУС падпісаў пастанову, якая падаўжае яшчэ на 90 дзён часовую забарону на знаходжанне ў асобных раёнах пагранічнай зоны, прылеглай да дзяржаўнай мяжы з Рэспублікай Беларусь.
Зона прынесла канкрэтыку, добрыя вынікі. Найперш гэта скіравана супраць кантрабандыстаў, якія перавозяць людзей праз мяжу, – заявіў міністар Томаш Семоняк, абгрунтоўваючы рашэнне пра пашырэнне буфернай зоны.
МУС паведамляе, што на польска-беларускай мяжы ўзмацняецца міграцыйны ціск, які «штучна выклікаецца ўладамі з Менску». «Гэта элемэнт гібрыдных дзеяньняў, накіраваных на дэстабілізацыю Польшчы і іншых краінаў Еўразвязу», — паведамляе міністэрства, запэўніваючы, што польскія ўлады прымаюць канкрэтныя дзеянні для супрацьдзеяння гэтай зьяве. Вынікам гэтага з’яўляецца падаўжэнне тэрміну часовай забароны на знаходжанне на пэўнай тэрыторыі.
racyja.com паводле wiadomosci.dziennik.pl
