Кіраўніцтва Латвіі працягне ўзмоцнены рэжым кантролю на беларускай мяжы да сярэдзіны 2025 году, абвясьціла ў Рызе Міністэрства ўнутраных спраў.
Гэты крок зроблены ў адказ на неаднаразовыя спробы пераходу мяжы мігрантамі без дакумэнтаў. Адмысловыя правілы, якія раней падоўжылі да канца гэтага году, цяпер будуць дзейнічаць да 30 чэрвеня 2025-га.
Працягласьць латыска-беларускай мяжы складае каля 172 кілямэтраў. Закон дае дадатковыя паўнамоцтвы ўладам у шасьці рэгіёнах на ўсходзе краіны.
Разам з Польшчай і Літвой Латвія абвінавачвае Аляксандра Лукашэнку ў тым, што ён накіроўвае мігрантаў да вонкавых межаў Эўразьвязу і заахвочвае іх перасякаць штурмаваць межы з мэтай палітычнага ціску на ЭЗ.
Улады Латвіі сёлета перадухілілі 5400 спробаў незаконнага пераходу мяжы. Летась было 13 800 такіх выпадкаў.
