У Беластоку на плошчы пры гарадской Ратушы прайшоў святочны мітынг і канцэрт, прымеркаваны да 107-й гадавіны абвяшчэння Беларускай Народнай Рэспублікі.
Перад яго ўдзельнікамі і ганаровай вартай ад клуба гістарычнай рэканструкцыі Invictus 1863 выступілі прадстаўнікі гарадскіх і ваяводскіх уладаў, а таксама ўкраінскай дыяспары і беларускай нацыянальнай меншасці.
– Мы сёння тут, каб нагадаць тым людзям, якія жывуць стагоддзямі з намі, палякам, каб менавіта таксама памяталі, што незалежная Беларусь – гэта таксама незалежная будзе і Польшча. Без незалежнай Украіны, без незалежнай Беларусі не будзе незалежнай Еўропы.
– Дзень Волі праводзіць сярод беларусаў – гэта вельмі класна, сапраўды адчуваецца такое свята. І, нягледзячы на ўсе запалохванні, беларусы ўсё ж такі прыйшлі, нас сапраўды тут шмат.
– Важна, каб беларушчына развівалася перадусім у Беларусі, але таксама і тут. Для мяне вельмі важная падтрымка грамадзянаў Беларусі, якія пастаянна дабіваюцца таго, каб жыць у дэмакратычнай краіне.
Святкаванне Дня Волі ў Беластоку працягнецца 25 сакавіка святочным сімвалічным марафонам, канцэртамі хора «Унія» з Вільні, ды дуэта NaviBand на наступны дзень 26 сакавіка.
Цалкам матэрыял слухайце ў далучаным файле:
***
У Беластоку адзначылі Дзень Волі 23 сакавіка. Святкаванне пачалося ля гарадской ратушы ў цэнтры горада.
Павел Станкевiч зачытау́ вiтальнае слова старшынi Рады БНР Iвонкi Сурвiллы.
Выступае ваявода Падляшша Яцэк Бжазоўскi.
Выступае вiцэ-прэзiдэнт Беластока Рафал Руднiцкi.
Далей выступiу́ адзiн з лiдарау́ беларускай дыяспары Ян Абадоу́скi.
Прамау́ляе старшыня Беларускага саюзу у́ Польшчы Яу́ген Вапа.
Чарговы прамоу́ца – прадстау́нiк украiнскай дыяспары Антон Галавач.
Свята скончылася канцэртам Лявона Вольскага.
