У Беластоку 26 красавіка ў Chill Time Club адбудзецца вернісаж выставы “Радуніца”, прысвечанай традыцыям ушанавання памяці продкаў Падляшша і Палесся.
Гасцей чакаюць цікавыя лекцыі, майстар-класы і экскурсіі. Кажа арганізатар Таццяна Калач:
– Пазнаёміць гледачоў з цікавай і незвычайнай тэмай. Мэта – звярнуць увагу на карані, якія мы страчваем. Вельмі хочацца пазнаёміць людзей з нейкімі асаблівасцямі. Таму мы вас запрашаем на гэтую выставу, дзе вы можаце пабачыць розныя фотаздымкі к Падляшша і Палесся. Гэта ўнікальныя фотаздымкі, якія вы проста не пабачыце ні ў краме, ні дзесьці на палічках.
Пра значэнне выставы для сустрэчы памяці Падляшша і Палесся пра памінанне продкаў разважае мастачка Таццяна Савіч:
– Выстава незвычйаная, шок-кантэнт для некаторых. Раней нашыя продкі заўсёды на народзіны, на хрэсбіны, на шлюб і на пахаванне звалі прафесійнага фатографа. Ніколі ніхто не рабіў выставу з фотаздымкамі з пахаванняў.
Вернісаж выставы “Радуніца” адбудзецца ў Беластоку 26 красавіка. Пачатак мерапрыемства а 16:00. Мерапрыемства пройдзе ў Chill Time Club, на вул. Святога Роха, 5/32. Уваход вольны.
Цалкам матэрыял слухайце ў далучаным файле:
