Музей і Цэнтр беларускай культуры ў Гайнаўцы запрашае на падвядзенне вынікаў мастацкага конкурсу «Я нарадзіўся тут”, падчас якога будуць уручаны памятныя дыпломы і ўзнагароды, таксама можна будзе паглядзець выставу ўганараваных работ.
Уласна конкурс прысвечаны гісторыі і культуры Падляшша і нацыянальных і этнічных меншасцяў, якія засялялі яго на працягу стагоддзяў. Мэтай конкурсу з’яўляецца выхаванне мясцовага патрыятызму, фарміраванне ідэнтычнасці і распаўсюджванне дзіцячай творчасці.
Падвядзенне вынікаў намечана на 24 чэрвеня а 14 гадзіне ў Музеі і Цэнтры беларускай культуры ў Гайнаўцы па вуліцы 3 траўня.
