11 і 12 снежня ў Еўрапейскім гумантарным універсітэце адбудзецца канферэнцыя “Спадчына і грамадзянская супольнасць: нізавыя ініцыятывы ў захаванні крохкага”.
Магчымы і анлайн-удзел.
Цягам мінулага стагоддзя культурная спадчына фармавалася ў рамках дзяржаўных наратываў і інстытуцыйных практык.
Тым часам у краінах Цэнтральнай і Усходняй Еўропы спадчына нярэдка існуе па-за інстытуцыйным доглядам: фрагментаваная, рэпрэсаваная або нават проста нябачная.
У такіх умовах адказнасць за захаванне спадчыны і памяці часта пераходзіць да грамадзянскай супольнасці, мясцовых суполак, дыяспар і асобных ініцыятыў.
На канфэрэнцыі будуць вядучыя даследчыкі і практыкі, якія абмяркуюць нізавыя ініцыятывы, сямейна-гістарычныя практыкі, новыя куратарскія падыходы і лічбавыя інструменты, якія дазваляюць зноў злучыць фрагментаваную і раскіданую памяць.
Праграма ўключае даклады, панэльныя дыскусіі, кінапрагляды, практычны воркшоп і прэзентацыю лічбавай спадчыны. Падрабязней глядзіце па спасылцы.
Поўную праграму і спасылкі для анлайн-падключэння дашлюць зарэгістраваным удзельнікам.
Уваход вольны. Рэгіструйцеся па спасылцы.
11.12.2025 – 12.12.2025
09:00 – 19:00
Еўрапейскі гуманітарны ўніверсітэт (вул. Савічус, 17)
Бясплатна
