Атрымліваць карысныя веды і ўменні, быць у цёплай кампаніі сваіх людзей, адчуваць сябе патрэбнымі і прыносіць карысць іншым людзям. Запрашаем сталых беларусаў ва ўзросце 55+ з Беластока, Варшавы, Гданьска і Уроцлава ва Універсітэт Залатога Веку!
Тут вы зможаце наведваць разнастайныя тэматычныя курсы і інтэграцыйныя сустрэчы, сустракацца з людзьмі розных пакаленняў, цікава праводзіць свой час.
У нашай навучальнай праграме – курсы па гісторыі, псіхалогіі, мастацтве, фінансавай граматнасці, бяспецы ў інтэрнэце, тэатральнаму майстэрству, скандынаўскай хадзе, польскай і беларускай мовах і яшчэ па шмат якіх накірунках.
Каб стаць студэнтам альбо студэнткай УЗВ, трэба да 10 студзеня запісацца як мінімум на адзін з прапанаваных курсаў.
Форма для запісу на курсы знаходзіцца адразу пад анонсам кожнага з іх.
Калі вы самі не можаце запоўніць гэтую форму – папрасіце пра дапамогу кагосьці з сяброў альбо блізкіх.
Да 13 студзеня мы паведамім, на якія курсы вы залічаныя і нагадаем, калі будуць пачынацца заняткі.
Глядзіце, якія курсы заяўлены ў праграму першага сезона:
Звярніце ўвагу, што колькасць месцаў у многіх курсах абмежаваная і перавагу пры наборы будуць мець тыя, хто запішацца першым.
У фінальны расклад заняткаў у кожным горадзе ўвойдуць толькі тыя курсы, на якія запішуцца не менш за 5 чалавек.
Калі ласка, падыйдзіце да свайго выбару адказна і запісвайцеся толькі на тыя курсы, якія вы зможаце наведваць (папярэднія дні і гадзіны заняткаў пазначаныя ў анонсе кожнага з курсаў).
Калі вы маеце пытанні альбо патрэбу ў дапамозе па запісе на той альбо іншы курс – можна звяртацца па тэлефоне да нашых каардынатарак:
Беласток: +48 698 534 254 (Вольга)
Варшава: +48 786 306 375 (Аксана)
Гданьск: +48 453 350 271 (Надзея)
Уроцлаў: +48 730 893 259 (Алеся)
Першы сезон УЗВ будзе доўжыцца з 15 студзеня да 16 красавіка.
Навучанне ва Універсітэце цалкам бясплатнае. Усе арганізатары і выкладчыкі таксама працуюць як валанцёры.
Мы шчыра ўдзячныя нашым партнёрам у Варшаве, Беластоку, Гданьску і Уроцлаве, якія дапамагаюць нам з памяшканнямі для заняткаў і распаўсюдам інфармацыі!
Беларускі Універсітэт Залатога Веку (УЗВ) у Польшчы – гэта адукацыйна-інтэграцыйная пляцоўка для сталых беларусаў, якія жывуць зараз у Польшчы.
Яго дзейнасць базуецца на досведзе Гарадзенскага Універсітэту Залатога Веку (працаваў з 2010 да 2023 г.), а таксама на лепшым польскім і сусветным досведзе інтэлектуальнай, фізічнай і сацыяльнай актывізацыі сталых людзей.
Будзем радыя адказаць на вашыя пытанні і прапановы пра супрацу: university.golden.age@gmail.com
