Пасьля перапынку газэта ізноў будзе існаваць у віртуальнай прасторы на адрасе: belarus-news.us
Рэдакцыя паведамляе, што па некаторых уважлівых прычынах ранейшы сайт газеты працяглы час не быў даступны і ўрэшце яго былі вымушаны зачыніць.
Адбыліся неабходныя зьмены ў складзе Рэдакцыі газэты, сучасны склад наступны:
- Ганна Сурмач – адказны рэдактар
- Яўген Папко – намесьнік адказнага рэдактара
- Тацьцяна Красоўская – скарбнік
- Натальля Федарэнка – сябра
- Вячаслаў Бортнік – сябра
- Сяргей Кудзеліч – сябра
- Алесь Кот (Канада) – сябра
- Яўген Папкоў – сябра
- Вадзім Албут – сябра
Інфармацыя, якая захоўвалася ў рэдакцыйным партфелі за той час, калі не працаваў сайт, не будзе страчанаю, усё будзе ўключана ў наступны Другі нумар “Гадавіка” газэты, які будзе ахопліваць падзеі ад жніўня 2023 году па пачатак кастрычніка 2025 году.
На гэтым новым сайце газэты вы можаце знайсьці інфармацыі пра беларускае жыцьцё ў ЗША і Канадзе ад кастрычніка 2025 году.
Газэта ”Беларус” 20 верасьня мінулага 2025 году адзначыла свой 75-гадовы юбілей. Газэта была адзіным прэсавым органам для беларусаў Амэрыкі і часткова для беларусаў Канады. Хацелася б, каб яна выконвала гэтую ролю і надалей. Цяпер мы маем два асноўных накірункі дзейнасьці:
- падтрыманьне сайта газэты ў віртуальнай прасторы, які забясьпечвае больш актуальную падачу навінаў і больш даступныя кантакты з чытачамі
- выданьне пісьмовага варыянта газэты ў выглядзе “Гадавікоў”, менавіта гэты варыянт забясьпечвае захаваньне інфармацыі для гісторыі, незалежна ад абставінаў.
Рэдакцыя запрашае да актыўнай супрацы ўсе беларускія асяродкі ў ЗША і Канадзе.
Паводле belarus-news.us
