BYSOL адкрыў збор для журналісткі, якая сутыкнулася з пагрозамі крымінальнага пераследу і была вымушаная тэрмінова пакінуць Беларусь. Рашэнне на ананімны збор прадыктавана цяжкім псіхалагічным станам здароўя.
«З апошніх сіл я збіраю сваё жыццё па кавалках і пакуль у мяне гэта атрымліваецца даволі дрэнна. Але я вельмі хачу вярнуць сабе здароўе, каб мець магчымасць жыць і працаваць», — дзеліцца сваімі адчуваннямі нашая калега.
Як журналістка дзяўчына працавала ў некалькіх незалежных беларускіх медыя. У 2020 годзе я была двойчы затрымана на вуліцах Менску падчас выканання сваіх прафесійных абавязкаў і пакараная адміністратыўным арыштам. У 2021 годзе была вымушаная тэрмінова пакінуць Беларусь.
Цяжкасці эміграцыі, не перажытыя з 2020 года, і вайна ва Украіне моцна паўплывалі на ментальнае і фізічнае здароўе дзяўчыны.
«Праз гэта я страціла працу, перажыла цяжкую і працяглую дэпрэсію, на фоне беспрацоўя і голаду атрымала анемію і шэраг іншых праблем са здароўем.
Праз стан майго здароўя я не маю зараз магчымасць працаваць, бо ў папросту не маю сіл падысці да ноўтбука (раней такое было толькі пасля цяжкіх інтэрв’ю пра забойствы).
Згубілася канцэнтрацыя ўвагі: вялікіх высілкаў патрабуе чытанне любога тэксту (нібыта бачу літары, але сэнсу не разумею і трэба дужа напружвацца). Пасля прагляду кароткіх відэа з’яўляецца вялікая стомленасць, нібы адпрацавала поўны працоўны дзень без перапынку. Часам складана ўвогуле ўставаць з ложка, каб зрабіць нават такія простыя рэчы, як пачысціць зубы, напрыклад.
Я ў адчаі і звяртаюся да вас па дапамогу, бо мне адной не адолець гэтых выпрабаванняў».
Дапамагчы
Сума збору: 2750 еўра
- €1500 – арэнда кватэры на 2 месяца
- €1000 – курс псіхатэрапіі (10 кансультацый)
- €250 – медыкаменты на 2 месяца
