Падчас працоўнага візіту ў Канаду Святлана Ціханоўская выступіла перад Парламенцкай асамблеяй НАТА, якая сабрала больш за 260 парламентарыяў з краінаў-чальцоў Альянсу і партнёрскіх дзяржаваў. Асноўныя тэмы асамблеі ўключалі вайну ва Украіне, трансфармацыю НАТА перад пагрозамі з боку аўтарытарных рэжымаў, а таксама шырокі спектр пытанняў бяспекі, з якімі сутыкаецца Альянс.
Тэмы, якія Ціханоўская акрэсліла ў прамове:
📌 Важнасць пераменаў у Беларусі.
📌 Неабходнасць падтрымкі дэмакратычных сілаў. Ціханоўская заклікала разглядаць дапамогу Беларусі не як дабрачыннасць, а як інвестыцыю ў бяспеку і стабільнасць рэгіёну.
📌 Перамога Украіны – ключ да свабоды Беларусі.
📌 Супраціў рэжыму. Беларусы працягваюць змагацца за перамены, нягледзячы на рэпрэсіі.
📌 Аўтарытарныя рэжымы не вечныя. Дыктатура выглядае моцнай, але яна крохкая.
📌 Заклік да дзеянняў. Лідарка дэмакратычных сілаў папрасіла міжнародную супольнасць адназначна асудзіць фальшывыя выбары ў Беларусі і падтрымаць ініцыятывы па прыцягненні рэжыму да адказнасці.
Святлана Ціханоўская: «Рэжым сам сябе не зменіць. Дыктатуру трэба замяніць дэмакратыяй, бо без гэтага палітвязні не будуць вызваленыя, правакацыі на мяжы не спыняцца, і Лукашэнка застанецца пагрозай для ўсяго рэгіёну. Беларусь не павінна стаць суцяшальным прызам для Пуціна. Давайце змагацца за будучыню, дзе Беларусь і Украіна свабодныя, а Еўропа аб’яднаная».
