З 20 па 24 студзеня ў швейцарскім горадзе Давос праходзіць 55-ы Сусветны эканамічны форум. У ім удзельнічае Святлана Ціханоўская.
На івэнце «Будучыня Беларусі» яна падзялілася бачаннем таго, як беларуская краіна будзе аднаўляцца пасля дыктатуры і рухацца да эканамічнага адраджэння.
Ціханоўская прапанавала пяць практычных крокаў, якія, на яе думку, дапамогуць Беларусі аднавіцца. Гэта стварыць умовы для вяртання на радзіму; зрабіць Беларусь канкурэнтаздольным і прывабным рынкам; вярнуць Беларусі статус IT-краіны; інвеставаць у новыя тэхналогіі; пачаць працэс еўраінтэграцыі.
Святлана Ціханоўская прымае ўдзел у Сусветным эканамічным форуме ў Давосе трэці раз запар. Сёлета – у асноўнай праграме і па асабістым запрашэнні прэзідэнта Форуму.
