![](https://zbsb.info/wp-content/uploads/2024/03/6ebd40b089051fa7-1024x576.png)
Арганізацыя «Сябрына» дасадзіла дрэвы на алеі, закладзенай яшчэ 23 лістапада 2021 году.
27 сакавіка на Алеі Беларусі зьявіліся новыя дрэвы. На месцы правялі невялікі мітынг. Акрамя пасадкі дрэў, адбылася і мастацкая частка — Вячка Красулін зайграў на беларускай дудзе, а калектыў беларусак у народных строях пад кіраўніцтвам Сьвятланы Чакушкі прасьпяваў некалькі беларускіх народных песень.
![](https://zbsb.info/wp-content/uploads/2024/03/71206c29fb51bc1b-1024x576.png)
![](https://zbsb.info/wp-content/uploads/2024/03/05b3f63f1a650729-1024x576.png)
У афіцыйнай частцы некалькі слоў сказалі арганізатар падзеі Валянцін Стэх, ініцыятар стварэньня Беларускай алеі Гедрус Сурпліс, прэс-сакратарка Сьвятланы Ціханоўскай Ганна Красуліна, беларускі гісторык Яўген Красулін. Яны гаварылі пра тое, што пратэсты 2020 году спарадзілі натхненьне і надзею на хуткія перамены ў Беларусі. І хоць надзеі пакуль ня зьдзейсьніліся, але гэтая алея — сымбаль барацьбы за свабоду беларусаў і сымбаль падтрымкі Літвы.
![](https://zbsb.info/wp-content/uploads/2024/03/a760b17f608be746-1024x768.png)
Сымбалічна, што шэрая тумба адзначае месца, дзе ў 1991 годзе стаяла барыкада змагароў за незалежнасьць Літвы.
![](https://zbsb.info/wp-content/uploads/2024/03/9bfbe73b51aa3bbb-1024x576.png)
Алея складаецца з рабінавых дрэў. Арганізатары выбралі менавіта гэтае дрэва, «бо рабіна натхняе і нікога ня можа пакінуць абыякавым».
![](https://zbsb.info/wp-content/uploads/2024/03/b7b5509e9d69d2b6-1024x576.png)
Дрэвы саджалі вучні Віленскай гімназіі імя Францішка Скарыны. Яны зь вялікай цікавасьцю слухалі аповеды ўдзельнікаў пратэстаў пра падзеі ў Менску ў 2020 годзе.
![](https://zbsb.info/wp-content/uploads/2024/03/854b5046d6caa61d-1024x768.png)
![](https://zbsb.info/wp-content/uploads/2024/03/5c253a8b0b6c10ad-1024x576.png)