“Я хачу, каб мір і людзі <…> зразумелі, што дыктатараў нельга перавыхаваць, што дыктатараў нельга ўлагодзіць”, — заявіла беларускі дэмакратычны лідар Святлана Ціханоўская на панэльнай дыскусіі, прысвечанай грамадзянскаму супраціву і ролі жанчын у барацьбе за дэмакратыю ў рамках Мюнхенскай канферэнцыі бяспекі.
“Цяпер я часам чую, як некаторыя палітыкі кажуць: “Можа быць, трэба даць дыктатарам тое, што яны хочуць, каб спыніць вайну ва Украіне?” Але ці спыняць такія саступкі вайны? Не. Яны нададуць дыктатарам смеласць і дадуць час, каб перагрупаваць свае сілы і ўдарыць яшчэ мацней”, — лічыць палітык.
“Такім чынам, не думайце, што вы маеце справу з нармальнымі людзьмі, з нармальнымі палітыкамі. Іх не хвалююць ні народ, ні суседзі. Іх хвалюе толькі ўлада. І я вельмі хачу, каб дэмакратычны свет паказаў зубы”, — сказала яна.
На думку экс-кандыдата ў прэзідэнты, дыктатары не паважаюць дэмакратычныя краіны, “бо бачаць, што яны часам павольна прымаюць рашэнні, часам нерашучыя і разрозненыя”.
“Таму яны адчуваюць межы, пераступаючы адну чырвоную рысу за іншы”, — адзначыла Ціханоўская.
Прэс-служба дэмлідара 18 лютага паведаміла аб яе сустрэчах у Мюнхене з дзяржаўным сакратаром ЗША Энтані Блінкенам, экс-дзяржсакратаром Хілары Клінтан, міністрамі абароны Латвіі і Эстоніі, топ-мэнэджарамі Signal і ChatGPT.
