Беларусы Батумі адзначылі Дзень Волі шэсцем з бел-чырвона-белымі сцягамі, урачыстым мітынгам-канцэртам і ярмаркай беларускіх сувеніраў на плошчы Еўропы.
![](https://zbsb.info/wp-content/uploads/2024/03/bb1dba7c283f6e69-1024x768.png)
У мітынгу таксама ўзялі удзел прадстаўнікі грузінскай грамадзянскай супольнасці і ўкраінскай дыяспары.
Удзельнікі ўшанавалі хвілінай маўчання памяць усіх ахвяр барацьбы з імперыяй, казалі пра важнасць супольнай барацьбы нашых народаў за свабоду і ўзаемнай падтрымкі на гэтым шляху. Заслухалі і відэазварот Зянона Пазьняка.
![](https://zbsb.info/wp-content/uploads/2024/03/febc7cb896e89857-1024x768.png)
![](https://zbsb.info/wp-content/uploads/2024/03/228e384a77672346.png)
«Робім беларускія справы, не апускаем рук, перамога блізка. Жыве Беларусь, слава Украіне, Сакартвэлос гаўмарджос!» — так скончыў сваю прамову старшыня ГА «Беларуская дыяспара ў Аджарыі» Аляксей Балашоў.
![](https://zbsb.info/wp-content/uploads/2024/03/32023aa83dedf324-1024x768.png)
![](https://zbsb.info/wp-content/uploads/2024/03/8d22afa0e66affb7.png)
![](https://zbsb.info/wp-content/uploads/2024/03/bf8b7e2ef72f3097.png)
Падчас акцыі адбываўся збор ахвяраванняў, якія будуць падзеленыя пароўну на падтрымку беларускіх палітвязняў, ваяроў беларускага добраахвотніцкага корпусу ва Украіне і беларускага культурнага цэнтру ў Батумі.
Над плошчай прагучалі вершы Уладзіміра Караткевіча і Стася Карпава, а спеўны сход выканаў гімн БНР «Ваяцкі Марш» («Мы выйдзем шчыльнымі радамі»).
![](https://zbsb.info/wp-content/uploads/2024/03/f607f8f60db95698.png)
![](https://zbsb.info/wp-content/uploads/2024/03/77382c45613a5643-1024x768.png)
![](https://zbsb.info/wp-content/uploads/2024/03/968307920ac6ec74-1024x768.png)
Напрыканцы ўдзельнікі імпрэзы сабраліся ў святочны карагод, а потым, пад гукі песні Змітра Вайцюшкевіча «Наш Сцяг», утварылі нацыянальны сцяг з белых і чырвоных ліхтарыкаў.