На міні-выставе ў Нацыянальным музеі гісторыі Украіны прадстаўлены рэчы Міраслава Лазоўскага, ваяра палка імя Кастуся Каліноўскага з пазыўным «Мыш», які загінуў 16 мая 2023 года ў Бахмуце.
![](https://zbsb.info/wp-content/uploads/2024/03/1ada1cc00ff49f68-1024x885.png)
«Пасля пачатку поўнамаштабнага ўварвання Расіі ва Украіну беларусы выступілі за нашу незалежнасць, бо лічаць, што такім чынам яны таксама выбіраюць свабоду для ўласнай дзяржавы. Натуральна, што ў Дзень Волі 25 сакавіка 2022 года батальён імя Кастуся Каліноўскага, які носіць імя нацыянальнага героя Беларусі, увайшоў у склад Узброеных Сіл», — напісана на сайце музея.
Зараз у Нацыянальным музеі гісторыі Украіны праходзіць міні-выстава, прысвечаная беларускаму патрыёту Міраславу Лазоўскаму.
Міраслаў Лазоўскі нарадзіўся ў Мінску 10 ліпеня 1972 года. Скончыў Беларускі нацыянальны тэхнічны ўніверсітэт. У 1995 годзе ўступіў у «Саюз беларускіх вайскоўцаў». У тым жа годзе ён стаў адным з заснавальнікаў спартова-патрыятычнай арганізацыі «Белы легіён», якая дзейнічала ў Беларусі да пачатку 2000-х гадоў і займалася выхаваннем і навучаннем моладзі. У 2013 годзе Міраслаў заснаваў кніжную серыю «Беларусь у войнах» для распаўсюджвання навуковых і папулярных выданняў па гісторыі Беларусі. Пасля маштабных паслявыбарчых пратэстаў супраць уладаў у Беларусі ў 2020 годзе Міраслаў пераехаў ва Украіну.
![](https://zbsb.info/wp-content/uploads/2024/03/0d2996b0270dd8eb.png)
![](https://zbsb.info/wp-content/uploads/2024/03/5f7428351fc0882c.png)
25 чэрвеня 2023 г. указам старшыні Рады БНР у выгнанні Міраславу Лазоўскаму пасмяротна прысвоена званне кавалера Ордэна Жалезнага Рыцара.
![](https://zbsb.info/wp-content/uploads/2024/03/df4684fa731366bc.png)