Пад выставу адведзена адно з 50 выставачных памяшканняў, размешчанае побач са знакамітым КПП «Чарлі» ў Берліне, паведамляе адна з арганізатарак выставы Яўгенія Доўгая на сваёй старонцы ў Фэйсбук.
Яўгенія Доўгая — заснавальніца ініцыятывы дапамогі палітзняволеным жанчынам «Палітвязынка». Да стварэння выставы яе падштурхнула прапанова арт-куратаркі з Украіны.
Турэмную калекцыю з важных рэчаў сабралі за некалькі месяцаў. У яе ўвайшлі, напрыклад, рукавіцы з калоніі, якія сагравалі рукі палітзняволенай, пакуль яна чысціла снег, майка з вышытымі на ёй абдымашкамі і далонькамі сяброў, якую хлопцы даслалі ў СІЗА да дня нараджэння зняволенай дзяўчыне, абутак са шнуркамі, вырабленымі з пакетаў, зношанае ружовае сукенка, хустка, целагрэйка, спадніца і пінжак з калоніі.
Адна палітзняволеная перадала для выстаўкі сваю белую сукенку, у ёй яна вянчалася ў касцёле, а потым у ёй пайшла на суд, дзе ёй вынеслі абвінаваўчы прысуд.
У экспазіцыі прадстаўлены таксама асабісты дзённік і фатаграфіі, якія жанчыны атрымлівалі ў турмах, паштоўкі ад маленькага сына адной з жанчын. Маюцца і здымкі з жаночых маршаў.
Украінская мастачка Леанора Янко, натхніўшыся гісторыямі беларусак, намалявала акрылам карціну «Сілы дабра».
Экспазіцыя працуе па адрасе Friedrichstraße 43-45.
