4 ліпеня ў Нацыянальным універсітэце воднай гаспадаркі і прыродакарыстання ў горадзе Роўна адбылося ўрачыстае адкрыццё выставы «З Украінай у сэрцы». Асобна прысутныя ўзгадалі заснавальніка «Белага легіёну», загінулага ў баі за Украіну, Міраслава Лазоўскага.
Кажа дырэктар фонда Аляксей Францкевіч:
– Было шмат людзей, якія выступілі з вітальным словам – намеснік мэра, былі пляменнікі Міраслава Лазоўскага. У Роўне перайменавана 2 вуліцы – адна носіць імя Кастуся Каліноўскага, іншая – Міраслава Лазоўскага. Яны прынеслі з сабой узнагароды, якія ён атрымаў яшчэ пры жыцці. У першую чаргу ён аддаў сваё жыццё за вольную незалежную Беларусь, за будучыню ўсіх беларусаў.
Таксама Аляксей Францкевіч паведаміў пра перайменаванне адной з вуліц Канатопа ва Украіне ў гонар беларускага Героя Івана Марчука з пазыўным Брэст, які аддаў сваё жыццё за Беларусь і Украіну.
