Падчас Генасамблеі ААН беларуская лідарка сустрэлася з кіраўніком дыпламатыі Еўрасаюза Жазэпам Барэлем, з якім абмеркавала сітуацыю з беларускімі палітвязнямі, у тым ліку – рэжым інкамунікада. Асобна лідарка ўзняла пытанне падтрымкі незалежных медыя і грамадзянскай супольнасці.
Таксама важнымі тэмамі дыялогу сталі:
абмежаванні супраць аўтамабіляў з беларускімі нумарамі пры ўездзе ў краіны Еўрасаюзу; выдача візаў. Асобна прагучала прапанова краінам Еўрасаюзу зрабіць візы для беларускай моладзі да 25 год бясплатнымі; падрыхтоўка да сустрэчы кансультатыўнай групы Еўрасаюз–Беларусь; правядзенне беларускіх дзён у Бруселі ў снежні.
Напрыканцы сустрэчы Ціханоўская ўручыла Барэлю крыж Добрасуседства – узнагароду Аб’яднанага Пераходнага Кабінета, за салідарнасць і падтрымку дэмакратычнай Беларусі.
