Падчас працоўнага візіту ў ЗША беларуская лідарка выступіла на Chicago Council on Global Affairs. Chicago Council on Global Affairs – гэта незалежная некамерцыйная арганізацыя, што факусіруецца на міжнародных адносінах, глабальнай палітыцы і эканоміцы.
Асноўныя тэзісы, якія агучыла і тлумачыла беларуская лідарка:
📌 Беларусь – лабараторыя рэпрэсіяў для Пуціна. Нашая краіна – палігон для іспытаў разнастайных метадаў па гвалце над людзьмі;
📌 Рэпрэсіі супраць беларусаў выходзяць за межы краіны. Улады пераследуюць людзей праз завочныя суды і ціск на родных, якія засталіся ў рэспубліцы;
📌 Узаемасувязь паміж Украінай і Беларуссю. Краіны ўзаемазвязаныя ў памкненнях да волі, а перамога дэмакратыі ў адной краіне будзе спрыяць зменам у іншай;
📌 Выкарыстанне тэхналогіяў у барацьбе супраць дыктатур. Тэхналогіі і сацсеткі сталі інструментам падтрымкі рэпрэсаваных беларусаў. Яны не даюць згаснуць пратэснаму руху нават пад ціскам;
📌 Важна справакаваць раскол унутры рэжымных элітаў. Гэта дазволіць змяніць баланс сілаў і наблізіць дэмакратычныя змены;
📌 Беларусы – адважныя і творчыя. Нягледзячы на рэпрэсіі, яны знаходзяць спосабы выказваць нязгоду з палітыкай рэжыму і змагацца;
📌«Стабільнасць» рэжыму ілюзорная – акно дэмакратычных зменаў не зачыненае. Нягледзячы на тое, што рэжым намагаецца паказаць стабільнасць, сітуацыя ў Беларусі нестабільная, і акно магчымасцяў для зменаў можа адкрыцца ў любы момант.
