Ва Украіне выпушчаны паштовы канверт з выявай беларускага праваабронцы, пісьменніка і лаўрэата Нобелеўскай прэміі Алеся Бяляцкага, а таксама паштовая марка з выявай адной з першых паштовых марак незалежнай Беларусі, на якой намаляваны нацыянальны герб Беларусі – «Пагоня». Адным з ініцыятараў выпуску такой філатэлістычнай прадукцыі ва Украіне стаў грамадскі дзеяч, караўнік Тэрнопальскай кінакамісіі Валадымыр Ханас. Вось што ён распавёў у інтэрв’ю «Радыё Ўнэт».
Цягам больш як 15 гадоў я – рэгіянальны каардынатар вандроўнага фестывалю дакументальнага кіно пра правы чалавека Docudays UA. І, калі праходзіць «Вандроўны», а, як правіла, гэта восень-зіма кожнага году, акрамя паказаў фільмаў аб розных гісторыях праваабаронцаў або праваабарончыях гісторыях і ўвогуле пра правы чалавека, мы, як правіла, праводзім імпрэзы, якія стасуюцца тэматыкі правоў чалавека. Прычым, яны маюць зусім розны фармат, розны выгляд, які мы самі прыдумляем, самі рыхтуем.
І так гістарычна склалася, што ў нас шчыльная супраца з групай тэрнопальскіх філатэлістаў. Напрыклад, у гэтым годзе мы падрыхтавалі і яна функцыянуе да гэтага часу – філатэлістычную выставу пра правы чалавека. Асноўнай тэмай экспазіцыі ёсць блок марак, выпушчаных ААН, дзе прадстаўлены ўсе артыкулы Усеагульнай Дэкларацыі правоў чалавека. Там ёсць матэрыялы пра ўкраінскіх праваабаронцаў.
Ну і, зразумела, што падзея мінулага году, калі Нобелеўскую прэмію атрымалі Цэнтр грамадскіх свабод (кіраўніца – Алеся Матвійчук) і Алесь Бяляцкі і расійскі «Мемарыял», мы не маглі гэта праігнараваць. Таму разам з калегамі і як працяг выставы, працяг супрацы, як пэўная праява салідарнасці, мы падрыхтавалі канверты з Алесем Бяляцкім і Лесяй Матвійчук, якія, уласна, мусілі дэманстраваць падзею надзвычай важную, улічваючы сучасны этап. Гэта і вайна, і той факт, што Алесь зняволены, ёсць вязнем сумлення. І тое, што ААН, як структура, яна не заўжды выконвае сваю ролю і патрабуе рэфармавання, і пра гэта Леся Матвійчук гаварыла з трыбуны ў сваёй нобелеўскай прамове. І, я ведаю, неаднаразова на гэта звярталі ўвагу мае калегі з праваабарончага цэнтру «Вясна».
Мы вырашылі, што гэтых канвертаў будзе мала і вырашылі вырабіць уласную марку, якая б сімвалізавала вось гэтыя аб’яднаныя намаганні праваабаронцаў Украіны, Беларусі ў барацьбе за мір, барацьбе за правы чалавека, як пэўны сімвал падтрымкі беларусаў, якія не здаюцца і вядуць сваю барацьбу. Таму была вырабленая такая стылізаваная марка, якая надрукаваная, дзе намаляваная «Пагоня».
На гэтым тыдні ў пятніцу мы будзем рабіць спецпагашэнне, перадаваць зацікаўленым у музеі, бібліятэкі гэтыя канверты з маркамі. Ну і, уласна, гэта будзе той момант, калі мы будзем думаць пра тое, якія яшчэ супольныя акцыі будзем абгаворваць далей. Далучэнне філатэліі і выяваў, уласна, як і сцяг, як герб, як гімн, яно важнае.
Мы бачым зацікаўленасць. Канешне, мы ў гэтым напрамку будзем працаваць і знойдзем магчымасць перадаць гэта Алесю Бяляцкаму.
Таксама спадар Валадымыр распавёў пра тое, як ва Украіне грамадства ставілася да ініцыятывы выпуску канверту і маркі з выявамі прадстаўніка Беларусі і яе нацыянальнага сімвала, у святле цяперашняй расійскай агрэсіі, якая ажыццяўляецца ў тым ліку і з тэрыторыі Беларусі, пра тое, што азначае працэдура спецпагашэння і калі і дзе яна пройдзе. Цалкам размову са спадаром Валадымырам Ханасам слухайце ў плэеры ніжэй:
