Запісваўся альбом ў трох гарадах — Гародня, Кракаў (акардэон) і Варшава (вакал і бэк-вакал). Вокладку да альбома намалявала дачка лідара гурта Dzieciuki Дар’я Дзянісава.
У рэліз увайшлі тры кампазіцыі:
Тадэвуш Рэйтан
Усяслаў Чарадзей
Зялёныя палі маёй зямлі
Словы да песен «Тадэвуш Рэйтан» і «Усяслаў Чарадзей» напісаў гродзенскі паэт Дзяніс Жыгавец. Песня «Зялёныя палі маёй зямлі» — народная ірландская песня, якую пераклаў паэт Андрэй Хадановіч.
Dzieciuki — беларускі фолк-панк гурт, заснаваны ў 2012 годзе ў Гродне. Выконвае песні на беларускай мове ў асноўным на гістарычную тэматыку. Па выніках 2014 года атрымала прэмію «Героі года» ад музычнага партала «Тузін Гітоў». Перыядычна выступы гурта падвяргаюцца забаронам.
