У Моладзевым Хабе (Беларускай прасторы «Робім разам») прайшла прэзентацыя кнігі «Беларусь: замоўчаная гісторыя» фінскага славіста Тоні Стэнстрама. Падчас прэзентацыі Тоні расказаў пра малавядомыя беларускія гістарычныя факты, узятыя з архіваў БНР, правёў паралелі паміж Беларуссю і Фінляндыяй.
Гаворыць Тоні Стэнстрам:
– Што датычыцца Беларусі, то яна такая шэрая тэрыторыя на карце, то бок у нас мала хто ведае, што там знаходзіцца, якая яна. Тое ж самае датычыцца і шматлікіх іншых краін. Украіна таксама доўгі час была такой краінай, пра якую амаль нічога не ведалі. Ёсць афіцыйны лукашэнкаўскі наратыў, а таксама ёсць зусім іншы наратыў пра тое, што такое Беларусь, што такое гісторыя Беларусі. І пра гэта якраз мая кніга.
«Беларусь: замоўчаная гісторыя» выдадзена пакуль толькі на фінскай і ангельскай мовах. Але ў планах, па словах Тоні Стэнстрама, выдаць кнігу на беларускай мове.
