У Вільні адбылася канферэнцыя, прысвечаная досведу і палітыцы дэсаветызацыі ў постсавецкім і постсацыялістычным рэгіёне.
Беларускі вопыт у гэтай сферы перад прысутнымі прадставіла прафесар і філосаф, выкладчык ЕГУ Таццяна Шчытцова:
– У Беларусі, як мы добра ведаем, пры рэжыме Лукашэнкі такая праца немагчымая. Быў кароткі перыяд паміж 1991-ым і 1994-ым гадамі калі крыху распачалося ўсталяванне нацыянальнай сімволікі, дэмакратызацыя, лібералізацыя краіны. Праспект Леніна быў перайменаваны ў праспект Францыска Скарыны. І вось гэтая вайна супраць Украіны, маем справу з фінальнай стадыяй дэзінтэграцыі Савецкага Саюза.
На канферэнцыі абмяркоўваліся тэмы дэсаветызацыі, дэкаланізацыі і нацыянальнай палітыкі пасля падзей 2020 і 2022 гадоў. Мерапрыемства праходзіла ў Сейме Літвы і было арганізавана Lithuanian Genocide and Resistance Research Center.
racyja.com,
фота з архіва Таццяны Шчытцовай
