9 снежня Дом Вольнай Беларусі у Львове наведаў кіраўнік грамадскаяй арганізацыі «Цэнтр эканамічна-прававога развіцця» Андрэй Корбецкі, паведаміў у сваім фэйсбуку кіраўнік «Беларускай супольнасці Украіны» Аляксей Францкевіч.
Супрацоўнікі Дома паказалі госцю памяшканні і музей, прысвечаны беларускім героям, а таксама выставу «З Украінай у сэрцы». Распавялі пра сваю дзейнасць і падзяліліся планамі на будучыню і абмеркавалі далейшыя супольныя планы – некалькі тыдняў таму быў падпісаны Мемарандум аб супрацоўніцтве і стварэнні Кааліцыі “United for Rights, 2025”.
Паводле facebook.com/lesha.franc
