Максім Багдановіч. Як на чужыне за 25 гадоў жыцця стаць улюбёным паэтам Беларусі

Новы герой відэа ад Андрэя Хадановіча — класік беларускай літаратуры Максім Багдановіч, які падарыў нам неверагодны гімн, навучыў спяваць рамансы, чытаць санеты і прымусіў верыць, што Венера — гэта зорка, якая ўзыходзіць над зямлёю.

Як праз Ніжні Ноўгарад і Яраслаўль Багдановіч прыйшоў да Беларушчыны? Чаму «Вянок» — галоўная кніга беларускай паэзіі? Як казкі прабабулі адкрылі паэтычны талент Багдановіча? Чаму паэт пісаў шмат вершаў пра каханне па-руску? Адказы на гэтыя і іншыя пытанні ў новым выпуску размоваў пра беларускую і сусветную літаратуру ад Андрэя Хадановіча.