Беларуская керамістка з нікам taliya_lisa паказала ў Threads серыю талерак з кароткімі фразамі на беларускай мове. Публікацыя з’явілася 29 красавіка і менш чым за суткі набрала больш за 300 лайкаў.
Аўтарка назвала сваю працу «талеркай тваёй эмацыйнай падтрымкі» і паведаміла, што вырабы цяпер ёсць у наяўнасці. Кошт – 25 еўра (каля 82 руб.) плюс дастаўка альбо самавываз у Вільнюса.
На фота – белыя керамічныя талеркі з чырвоным арнаментам і надпісамі. Сярод іх ёсць фразы ў духу народнай гаворкі: напрыклад, «Абоe рабоe», «Цырк на дроце», «Перажылі лета гарачае – перажывём і гаўно сабачае».
Раней CityDog.io расказваў пра беларуску з нікам volosiuksveta, якая зрабіла стыкеры пад назвай «Птушкі Беларусі». Ёсць два варыянты: з чорным і белым буслом.
На стыкерах намаляваны розныя птушкі, якія сустракаюцца ў Беларусі. Сярод іх – берасцянка, зімародак, сойка, дзяцел, шчыгол і іншыя.
Што думаюць беларусы?
У каментарыях многія пахвалілі працу беларускі, але былі і тыя, хто напісаў, што гэта задорага.
«Трохi дарагавасценька…» – лічыць lucifer767666.
«Падабаецца», – напісала alice_gracee.
«Талерка файная, на жаль, сцяны няма, дзе яе павесіць», – пракаментаваў oleger_81.
