У Львове 8 чэрвеня адбыўся круглы стол па выніках маніторынгавага візіту адносна доступу грамадзян Беларусі да натарыяльных паслуг ва Украіне.
Падчас абмеркавання ўдзельнікі прадставілі асноўныя высновы маніторынгу і магчымыя шляхі вырашэння выяўленых праблем.
Кажа кіраўнік грамадскага саюза «Білоруська спільнота України» Аляксей Францкевіч:
– Часта і сістэмна грамадзянам Беларусі адмаўляюць рабіць натарыяльны пераклад беларускіх пашпартоў. З беларускімі пашпартамі не садзяць у аўтобус, адмаўляюць у натарыяльных паслугах. Зробім разам з прадстаўніком Упаўнаважанага такую метадычку, у якой мы пашырым інфармацыю, што беларусам трэба рабіць, калі яны сутыкнуліся з падобнай праблемай.
Па выніках маніторынгу падрыхтаваны справаздачны дакумент, які будзе накіраваны Упаўнаважанаму Вярхоўнай Рады Украіны па правах чалавека Дзмітру Лубінцу.
Сустрэча прайшла ў офісе Прадстаўніка Упаўнаважанага Вярхоўнай Рады Украіны па правах чалавека ў Львоўскай вобласці.
