На стрымінгавых платформах пабачыў свет альбом сольнага праекту Макса Шчура «Паддашша» пад назвай «20+ запісаў, якім 20+ гадоў».
У альбом увайшлі акустычныя версіі песень аўтара, запісаныя ў 2005 годзе ў хатніх умовах і рэканструяваныя з дапамогай ШІ. Гучанне песень (2 гітары + голас), тым не менш, захавала аўтэнтычную атмасферу кватэрніку з канца 1990-х.
Песні ўпарадкаваныя храналагічна паводле часу іхнага напісання, ад найстарэйшай (прыдуманай яшчэ ў Менску) да найноўшай.
Жанр песень сам аўтар азначае як «кухонна-інтэрнацкі андэграўнд», часам як акустычны панк-фолк. Альбом спалучае DIY-эстэтыку з эмацыйнасцю і гумарам.
Асноўныя тэмы альбому — каханне, эміграцыя і валацужны лад жыцця. Многія тэксты, напісаныя збольшага ў 1999-2001 гг., не страцілі сваёй актуальнасці да сённяшняга дня.
Характэрныя трэкі:
Вандроўнік Драздовіч
Вецер неадтуль
Абуджальная
Развітанне з радзімай
Ваўкалака
Слухайце альбом на:
…і яшчэ на 20+ стрымінгавых плятформах — шукайце «Паддашша».
Дагэтуль асобныя песні выходзілі ў кампіляцыі «Барды Свабоды» або выкладаліся аўтарам на YouTube у live-версіях.
Выдавецкая ініцыятыва SayBeat
