Чаму беларусы не забівалі цмокаў і вужоў? Як птушкі чытаюць неба і чаму гэты шлях знікае? Адказы на гэтыя пытанні можна знайсці ў новых падкастах ад праекта «Міфічная Беларусь».
Уладар вады. Чаму беларусы не забівалі цмокаў і вужоў
Лукомскі цмок піў ваду з возера і прыносіў дождж, а калі маланка забіла яго, пачаўся патоп. І хто яго ведае, ці была гэта пачвара, ці захавальнік прыроднай раўнавагі.
Дарога ў Вырай. Як птушкі чытаюць неба і чаму гэты шлях знікае
Беларусы верылі, што душа памерлага можа вярнуцца птушкай, а Млечны Шлях называлі Птушынай дарогай, выкладзенай Богам да Выраю. І хто яго ведае, дзе заканчваецца міф і пачынаецца навука: птушкі сапраўды арыентуюцца па зорках, Сонцы і магнітным полі Зямлі, а шлях да цёплых краёў знаходзяць нават тыя, хто ляціць упершыню.
«Міфічная Беларусь» — гэта этнаграфічна-экалагічны падкаст, які распавядае пра традыцыйнае стаўленне беларусаў да прыроды, старажытныя вераванні, магію і народны фальклор. Праект спалучае ў сабе культурную спадчыну і сучасны экалагічны погляд на тое, як нашы продкі суіснавалі з навакольным асяроддзем.
