Пра выхад кнігі паведаміла Наста Кудасава на сваёй старонцы ў Фэйсбук.
![](https://zbsb.info/wp-content/uploads/2023/04/4b76f63ec6e4c390-1024x717.png)
«Нават не верыцца. Але гэта сапраўды тысяча асобнікаў маёй самай доўгачаканай кнігі. Надрукаваная імпрынтам Skarynyčy . Яна вялікая і прыгожая, з малюнкамі Sviatlana Sofia Dzemidovich. Калі вам надакучыць чытаць мае вершы, можна будзе любавацца кнігай як альбомам класнай графікі, тая ўжо дакладна не надакучыць, — такі быў мой падступны план.
Першымі набыць кнігу змогуць жыхары майго любімага Беластока <…>.
У гэтыя выхадныя кніга будзе прадстаўлена на стэндзе незалежных беларускіх выдаўцоў на кірмашы ў Беластоку які пройдзе з 21.04 па 23.04 (на гарадскім стадыёне, працуе з 10-й да 18-й гадзіны). Прыходзьце! Калі ў Беластоку не раскупяць увесь наклад, то потым пасля выставы кніга будзе даступная ў Варшаве, а таксама поштай па ўсім свеце. У Беларусі — з 1.05.2023», — напісала Наста Кудасава.
![](https://zbsb.info/wp-content/uploads/2023/04/1d2ff817f429f6c7.png)