8 лістапада Бундэстаг прагаласаваў за прапанову «За дэмакратычную Беларусь у эўрапейскай сям’і», якая была прадстаўленай партыямі Сацыял-дэмакратычная партыя Германіі, Саюз 90/Зялёныя і Свабодная дэмакратычная партыя. Прапанова заклікае федэральны ўрад працягваць падтрымку беларускага дэмакратычнага руху.
Сярод іншага, згадваецца таксама «выдатная праца грамадзянскай супольнасці такіх асацыяцый, як RAZAM e.V., Libereco – Partnership for Human Rights e.V. або бюро экстранай дапамогі Science-at-Risk Акадэмічнай сеткі Усходняй Еўропы e.V. (AKNO) ». Як гаворыцца ў заяўцы, гэтыя аб’яднанні павінны працягваць падтрымліваць, «каб у будучыні ў Германіі з’явіліся кантактныя пункты для людзей, якія пераследуюцца па палітычных матывах, і каб яны давалі больш інфармацыі аб сітуацыі ў Беларусі». У якасці гасцей на дэпутацкае пасяджэнне былі запрошаны таксама старшыня нашага згуртавання Юлія Салаўёва і Марыя Рудзь з пашыранай рады.
Мы віншуем нашых калег з нашых партнёрскіх арганізацый Libereco e.V. і AKNO e.V. і хочам падзякаваць парламенцкім групам, а таксама нашым членам і прыхільнікам, якія аказалі нам гэты гонар. Прызнанне RAZAM Бундэстагам з’яўляецца важнай падзеі ў гісторыі нашага маладога аб’яднання і паказвае, што наша праца прыносіць плён.
Асабліва важным для нас з’яўляецца заклік да федэральнага ўрада выдаваць «падарожныя пасведчанні для замежнікаў» беларускім грамадзянам, якія падвяргаюцца палітычнаму пераследу ў Беларусі. У адпаведнасці з указам Лукашэнкі, прынятым у верасні, грамадзянам Беларусі больш не будуць выдаваць пашпарты ў дыпламатычных прадстаўніцтвах за мяжой. Гэтая мера закранае шматлікіх беларусаў, якія пражываюць у Германіі, якім наша каманда «RAZAM Help» нястомна дапамагае.
Прапанова Бундэстага прагучала ў рамках візіту Святланы Ціханоўскай у Берлін. З гэтай нагоды RAZAM e.V. у аўторак прыняў удзел у мітынгу перад Брандэнбургскімі варотамі. З выступам нашай першай старшыні Юліі Салаўёвай можна азнаёміцца тут.
