Сябры ініцыятывы ByProsvet прэзентавалі каляндар на 2024 год пад назвай “Беларускі культурны код”. Беларускім культурным кодам сталі 12 жанчын розных часоў, якія пакінулі шыкоўную нематэрыяльную спадчыну ў гісторыі Беларусі.
Цікавостка календара ў яго друку на лацініцы, кажа гендарная даследчыца, доктарка навук Ірына Сідорская:
– Мяне вельмі зацікавіла ідэя гэтага першага ў гісторыі жаночага, беларускага календара, а яшчэ і выдадзенага на лацінцы. Такога дакладна ніколі не было, гэта вось такі прэцэдэнт. Я падумала, а чаму раней такога не было, гэта ж здаецца проста. Альбо мы не бачылі гэтых славутых жанчын у гісторыі Беларусі, альбо мы не цікавіліся.
Удзельнікам лекцыі былі прадстаўлены кнігі, паштоўкі і іншыя рэчы, зробленыя ініцыятывай ByProsvet, якія можна было набыць.
