30 снежня, у Варшаве адбылася прэм’ера эксперыментальнай дзеі «Выгарэўшы» па аднайменнай графічнай драме тэатральнай аглядальніцы Budzma.org Наталлі Міхаліны Скарынкі.
«Выгарэўшы» — гэта перфарматыўны эскіз-даследванне выражэння чалавечых пачуццяў. Своеасаблівы спосаб адлюстраваць суіснаванне інаватыўнай формы тэксту і вобразнасці ў сцэнічнай прасторы.
Канцэпцыя дзеі «Выгарэўшы» пабудавана на свабодзе рухаў і экспрэсіі слоў, на выпадковым пераключэнні механізмаў метафар.
«Не магу не падзяліцца з вамі прыгожай фотадакументацыяй прэм’еры ад @natalkapapova. Яшчэ раз дужа дзякую за здымкі і цёплы водгук!», — напісала Наталля Міхаліна Скарынка на сваёй старонцы ў Інстаграм.
